總瀏覽量

2013年7月13日 星期六

[領匯商場] 海富商場 @2013-07-13

(from Yahoo Blog)
2013年7月13日

海富街巿最近新聞多多, 聞說話領匯想將個街市重新規劃, 並一早通知當區區議員, 以便諮詢居民及商戶。

原本一路都風平浪靜, 冇人反對, 但到埋門一腳, 又有另一政黨走出嚟牽頭, 搞怎麼「保留海富街市」, 有人話「某某某不代表我」喎, 政棍與政棍之間鬼打鬼, 搞到七國咁亂。

是日交通:港鐵柴灣站 → 奧運站


 
<1>  海富商場 (地址:旺角海庭路2號), 樓齡大概14年, 建築樓面面積只有66,800呎, 奀豬場一個。豪大大的奧海城商場1、2、3期近在咫尺, 而呢個細場仔夾夾埋埋只得21個舖位, 唯有在大孖沙的手指罅間尋找生存空間啦

<2>  開始巡舖。地下嗰層共15個舖位, 1號舖係Smile Bread百份百大師.即造烘焙

<3>  麵包舖外

<4>  商場內。Smile Bread 百份百大師.即造烘焙 (1號舖) 係華心商場以外的首間分店

<5>  有傳聞話惠康超市 (2號舖) 會搬過去街市嗰邊, 成為街市的一部份, 不過依家俾班友仔搞一搞, 又未必搬得成咯。超市隔籬的英明玩具廊 (3號舖), 咁晏都仲未捨得開舖, 究竟係佢懶惰豬還是O2太勤力呢?!

<6>  文文時裝鞋店 (6號舖) 即將租約期滿。其實以佢嘅貨式, 應該開喺街市會適合D囉。

<7>  Pantry 廚坊 (8, 11號舖) 裝修簡約, 生意都唔錯。鏡頭外的9號舖係7仔, 富榮花園嗰間7仔啱啱摺咗, 依家附近得番海富呢間7仔咋。

<8>  (左) 海富商場管理處 (10號舖);(中) 海富街市其中一個入口;(右) Pantry 廚坊 (8, 11號舖) 的另一個門口

<9>  (左) 時代中西葯房 (12-13號舖);(右) 街市另一個入口

<10>  添豐(海富)洗衣店 (15號舖) 假假地都叫做街舖, 舖面咁闊, 要嚟做洗衣工場, 太嘥料了

<11>  入番商場中庭, 以扶手電梯上1樓

<12>  上到1樓。海富美食餐廳 (104號舖) 外

<13>  商場通道。直出係花園火鍋海鮮酒家 (106號舖), 前面有行人天橋通往奧海公園 & 奧海城。

<14>  近天橋口的花園火鍋海鮮酒家 (106號舖)

<15>  海富商場連接奧海公園 & 奧海城的行人天橋

<16>  由天橋望向富榮花園

<17>  由富榮花園望番過去海富商場 & 海富街市

<18>  新海富街市外

<19>  「商戶代表」的王朝美食 (街市12號檔) 位於街市門口的龍頭位。街市內多個檔口已遷出, 冇乜野賣, 但因為街坊以呢條巷作為通道, 特別多人路過, 所以阿「商戶代表」非常肉緊海富街市的去留問題(因為佢個位置太靚喇, 當然唔想郁啦)。多口講多兩句, 其實領匯將街市重新規劃已有往績可尋, 柴灣環翠、柴灣興華、何文田愛民、將軍澳明德、大埔大元.... 等等, O2都有去過, 雖則領匯每次有動作, 例牌都有人嘈, 但改動和翻新後的確係更加切合居民需要, 客流量多咗, 商戶自然生意好啦。

<20>  街市外的區議員橫額。O2冇政治智慧, 唔知呢班友最終玩成點, 亦都唔理得咁多, 但最終海富街市的去或留應該以街坊的意願為依歸, O2只希望街坊滿腔熱盛地簽名「留住海富街市」的同時, 也能夠身體力行去幫襯D檔戶, 唔好得把口, 否則, 就算爭取成功, 亦只會令留下來的檔戶兩頭唔到岸,「求生不得, 求死不能」, 善哉! 善哉!


 
海富商場.商戶名單 @2013-07-13
地下  
1 Smile Bread 百份百大師.即造烘焙 ( B&C麵包屋)
2 惠康超級市場
3 英明玩具廊
4 ?
5 天然護髮用品中心
6 文文時裝鞋店
7 薈萃音樂中心
8, 11 Pantry 廚坊
9 7-11便利店
10 海富商場管理處
12-13 時代中西葯房
14 ? ( 凱瀅美容中心?)
15 添豐(海富)洗衣店
賞金店
東亞銀行ATM
1  
101 萬寧
102 海富醫務中心 - 梁維醫生
103 Salon De Vie 新偶像髮型
104 海富美食餐廳
105 ?
106 花園火鍋海鮮酒家
 

***

 如欲參觀其他領匯商場 請往>>>  巡視日程表 

9 則留言:

  1. 有一个成功例子, 運頭塘商场,原来街市改造为惠康,吉野家,Cake Shop. 收益由2011, 2012, 2013上升over 50%。 商场100% full house.

    回覆刪除
    回覆
    1. 好快會係海富商場成為另一個成功例子,大家拭目以待。

      刪除
  2. 雖則領匯每次有動作, 例牌都有人嘈, 但改動和翻新後的確係更加切合居民需要, 客流量多咗, 商戶自然生意好啦。

    >> 就係領匯成日都想賺得多... 就逐漸將各地方既街市變做超市!
    你有無問過市民先? 自把自為, 一意孤行, 就緊係乞人憎

    如果你公開諮詢, 例如搞居民大會, 搞投票, 如果多數邨民覺得應該將街市變超市, 咁都未遲啦.

    海富苑明明都有超市, 街市有值得保留既地方領匯就將佢重新規劃做超市...

    你唔好唔記得, 其實領匯係入侵者!

    回覆刪除
    回覆
    1. Chi Ho仔,原來你個concept一直都錯晒,領匯不是你所講的入侵者。
      係當年房署做得太差,入不敷支,搞到要將D商業資產上市套現,因而成立了領匯。

      刪除
    2. 作者已經移除這則留言。

      刪除
    3. 衷心多謝你一直以來的支持!!(講真的)

      正如你所講,領匯當然唔係樣樣都做得好,但係D衰野自然會有主流媒體及尊貴議員出來指指點點、說三道四,O2亦會抱著「有則改之,無則加勉」的態度坦然面對。

      你也要明白,插領匯的聲音經已全城泛濫,係又鬧,唔係又鬧,多我一個唔多,我再講都係多餘的,有時反而覺得D人係吹毛求疵添。O2起呢個壇時,由Day 1開始已經係打著「為領匯發聲」的旗號,從來都冇變過,O2亦會繼續抱著同一宗旨/立場去寫此blog,否則,當O2 Blog變成冇既定立場,人鬧我又鬧,同《蘋果、東方、高登》的論調一模一樣,冇咗O2 Blog的自家風格的話,你更加唔須要再睇啊!

      刪除
    4. O2,過了那麼多年,自己亦成長了不少(at least更懂得與人溝通共處),真誠的想向你講聲抱歉!連我也看不過自己曾經的「幼稚」留言,所以刪去了=。="

      而家睇返,您的blog真的有自己的風格!老實講我還是對o2某些意見不認同及反感,但作為記錄香港的文化,o2您真是下了大苦功、付出了不少,如今終得到可貴回報、卻受到疫情摧殘,在此希望o2您不要放棄!其實房委會對於建築層面上確實有一班,卻正如o2曾經說過房署秉承著「虎頭蛇尾」弊病,加上房屋署雖然善於讓廣大市民安居樂業,卻不善於經營商場,這點連我也感到無言;另外坦白說,其實我並非真的討厭領展,只是初次來訪o2 blog時候,正值我對公營房屋深感興趣,加上我本身是一個藝術之人,對美學較敏感,眼見領展翻新商場時的裝潢枯燥乏味,才不屑領展(初次踏進blog領域時)。不過在改善商場商舖及逛街體驗上,無疑領展做得不錯。

      在此想對您上述留言作「班門弄斧」的回應,盼不要介懷,您曾言「係當年房署做得太差,入不敷支」,無可否認是真,但其實還有一樣野令到房署當年入不敷支:當時因應政府要求停售居屋,令房署失去了財政收入,最終領匯就誕生了(原諒我更喜愛「領匯」這名字😅)

      我也見證chi ho一直以來在o2天地的「足印」,我不是為了取悅o2你而說什麼,不過chi ho卻搞錯了許多概念,連領展為何出現也不曉,而且好多時所謂的「市民意見」不見得真偽,遺憾地好難推翻領展一眾fans們,真心希望chi ho能留意一下這個問題,為反而反並非好方法

      不好意思這留言很長(唯願o2見諒🙇🏼‍♀️),但都是我多年來拜訪您的blog的真誠所感!

      刪除
    5. 言重了,你又何須「抱歉」呢!

      作為歷史的一頁,O2反而可惜你删除咗自己當年的留言,這個Blog除了記錄屋邨商場在硬件上的轉變外,亦可透過Blog友們的留言,記下大家在當刻如何評價領展及其他屋邨商場業主的表現。

      「留言很長」不是問題,你肯用心神和時間來寫長長的留言,代表了你的誠意,O2祝願香港人身體健康,盡快回復正常生活!

      刪除
    6. o2,我們很久沒見了~我剛剛看了您留言了,稍後再回覆您有什麼「黑歷史」~ 🤣😜

      如果您真的想我一路以來的留言....我有許多留言沒有刪去,聽您說後、往後我也不會刪去了 :-p

      雖然不exactly認同您與領展的看法,不過要不是有您的悉心付出與汗水(要知道行勻港九新界並非易事,雖然香港乃彈丸之地),您真是個風趣幽默的人

      這麼多年來,我欣賞您的blog有自家style,但坦白講有時我好鬼衰架、早期睇您嘅blog個陣其實會暗罵您(請原諒我....お願いします!🙇🤦)

      不過當見到領展致力改善市民的購物環境,加上您不辭辛勞地記載香港公營房屋(的商業設施)的變遷,我當堂想向您讚不絕口,若果我是某某獎項(對文化作貢獻)的負責人,定必給予o2嘉許鼓勵與肯定💪🏻

      我們素未謀面,在疫情底下無能為力的我、只可向o2及世界上的所有生物and死物(是認真的)說:「所以不要為明天憂慮,因為明天自有明天的憂慮,一天的難處一天當就夠了(太 6:34)」盼望疫情早早消滅,祝願仝人身體健康🙏🏻

      刪除