我的茶餐廳 Cafe Rendezvous

(from Yahoo Blog)

 

2011年2月6日下午4:38｜公開｜累積瀏覽 156

 

據我所知柴灣區有兩間「我的餐廳」, 一間喺興華邨 (地址：興華商場115號舖), 一間喺峰華邨 (地址：峰華邨秀峰樓9-12號地下), 我一直都以為佢係間單打獨鬥的單頭食肆, 早幾日隱約聽到電台訪問「我的餐廳」, 再上Openrice search吓, 原來佢有咁多間分店, 不過又好似執得七七八八喎。印象中, 興華商場嗰間喺2009年尾左右摺埋嘅, 依家個位做緊「太興燒味」。「興華商場」依家都改咗叫做「興華廣場」喇, 地磚, 天花, 燈光, 全部改過晒, 比以前鮮明好多。最大改動係地面嗰層, 鏟咗個爛鬼街市, 「佳寶」搬走埋, 「溫馨家品」搬咗過去「環翠商場」, 淨番7仔、波仔, 跟住嚟個大翻新, 依家有百佳、萬寧、凱施餅店、學利、三生珠寶、電訊、床褥店、鞋店、藥房、眼鏡舖…

本來都唔想話佢係爛鬼街市, 不過嗰度D人真係爭唔落, 明知自己D野貴都仲惡到死, 同個客講：「係呀, 你去新街市買喇!」嘩! 全柴灣得你一個街市呀, 真係嬲到爆, 話過以後唔入去幫襯, 後尾「領匯」話要收番個街市改建, 我拍晒手掌囉~

 

 

興華廣場（地址：香港柴灣環翠道11號）現貌 (網上圖片)

 

已結業的「我的茶餐廳」興華商場分店 (網上圖片 2009 年攝)