一為神功 二為弟子

今期《經濟一週》的編者話, 以「長揸十倍股的神秘法則」為題

 睇到最尾嗰句, 作者話「有博客為領展長期投資者，其公餘活動為走訪不同領展商場做實地調查，這樣才能放心作長期投資。」咦?! 佢係咪講緊O2呢?

如果佢係講緊O2的話, 咁O2想借D意廢噏兩句。

尋找十倍股固然不易, 長揸十倍股更是難上加難, 這些年, 好彩給我遇上領展, 既然坐埋一條船, O2真心希望大家坐得穩。

至於作者所講的「實地調查」, O2平時會在現場影一大輪相, 又睇下多唔多吉舖, 觀察客流量, 整理商舖名單, 到出po與戰友們分享, 凡此種種, 除了為咗自己的個人興趣和盡職審查之外, 亦希望戰友們可以在指尖上瞭解到自已的資產, 坐得穩陣D, 冇咁易被風浪捲走, 眼白白錯過了一間好公司。

一般來說, 「大場」會多D戰友留意, 多D人監察, 較多人談論和留言, 上網睇已略知一二, 所以O2去得少D, 無謂重複投放資源在同一件事上。

至於「細場」, O2反而更有興趣, 睇住一個霉霉爛爛的商場, 畀領展搞下搞下, 又畀佢搞翻生, 幾得意的。而且, 「都會級」的公屋場只有5個 (黃大仙中心 / 樂富 / T Town / TKO Gateway / 赤柱), 若以收益論, 扣埋廢廢地的赤柱廣場, 實情得4個, 其餘的就要靠「匯坊」+「鄰里」去支撐大局了, 雖然細細粒, 但容易食, 集腋成裘嘛。

廢話講完, 祝大家「坐穩釣魚船」。

   

~ ~ ~

當年領展場開始行三級制時的資料