總瀏覽量

2015年2月12日 星期四

這位租客有點危

一般人以為「生意難做」、「執笠」呢類情況, 只會發生在小店身上, 而連鎖店就彷似貼有護身符, 永遠打不死的。有本事將分店愈開愈多的經營者, 往往會被有心人冠之為「XX霸權」。
 
但據O2巡視業務時所觀察, 近呢一年半載, 連鎖式經營的「波仔」及「海天堂」, 正漸漸在823場內淡出。

須知道每項產品, 或每間公司也有她的生命周期, 生死有命, 最令O2刻骨銘心者, 莫如Lehman Brothers Holdings Inc (1850-2008) 猝死, 享年158歲, 百年基業毀於一旦, 害得O2雞毛鴨血。
 
唔講咁遠, 就講本地的良心電視台吧。ATV由麗的呼聲 (1949年啟播) 開始隨著時代轉化, 由有聲冇畫, 到有聲有畫的麗的映聲、麗的電視、亞洲電視;由收費變免費, 飽經風浪, 由盛極一時走到垂死掙扎的今天, 66年了, 也稱得上香港人的「集體回憶」吧! 此時此刻, 仍透過珍貴的大氣電波無限loop經典製作, 能不教人神傷嗎?!
 
又試諗下, 曾經雄霸天下的Nokia吧, 今日仲有幾多人換手機會首選Nokia呢? 長江後浪推前浪, 世上新人換舊人, 明冇?!
 
 
忽然感慨, 皆因近日有報導話Burger King被追租。以前叫堡加敬, 後尾叫漢堡王的Burger King, 在競爭激烈的營商環境下, 能否大步檻過呢?
 
目前823場內只剩下黃大仙中心1間分店, 租務部/會計部的手足們, 唔該睇緊D呀, 拜託晒!
 
***
 
2015-02-18蘋果:本月第二宗 Burger King再被入稟追租
 
2015-05-28 on.cc東網專訊 : Burger King再欠租 尖東分店遭追155萬
 
2015-07-18東方
 
2015-07-26 : O2途經中環, 發現Burger King中環店已停止營業
 
2015-07-26 : 上環店也沒開門做生意
 
2015-12-02 : 玩完了
 
那些年
 

12 則留言:

  1. Burger King 其實都幾好食,特別係漢堡包,比起麥記又多款,又好食,唔明點解係香港打唔贏麥記。在英國,麥記同 burger king 大家都係平分秋色。

    回覆刪除
    回覆
    1. O2素來喜歡百花齊放,讓消費者有多點選擇,真心希望BK能扭轉乾坤。

      近呢大半年,眼見BK在中上環區連環開新店,仲估佢係改變經營策略,主攻寫字樓客,點不知搞到咁大鑊。

      謝謝你分享2大品牌在英國的情況,其實BK的出品並不比老麥遜色,所以O2覺得佢未必係輸在這一瓣。

      順帶一提,上面《星島》的插圖係銅鑼灣波斯富街分店(已結業),O2也曾經幫襯啊!

      刪除
  2. 可能係個特許經營商做得唔好

    回覆刪除
    回覆
    1. 可能係。經營一盤生意,除咗要有「財」之外,有「才」更加重要

      刪除
  3. 但領匯係咁驅趕小商戶走呢?
    淨係一味加租, 咪只有連鎖店經營到

    本土既茶餐廳, 人地都無話無生意, 領匯自把自為話要翻新, 又唔做大型問卷調查諮詢居民.. 自己鍾意點就點.... 30年老舖被迫結業

    領匯可唔可以唔好淨係睇錢... 吸引多D 小商戶啦, 又格硬要人地裝修.... 你睇紅磡既三河屋, 裝修都係70-80年代, 咪一樣好多人食

    食嘢淨係食裝修咋咩

    回覆刪除
    回覆
    1. ChiHO大爺,乜你咁耐都諗唔到新point呀?講嚟講去三幅被,腌腌悶悶,回你都回到口臭了。

      一句到尾,領匯係「正常」業主,一定要跟市場租值。不過你放心,領匯做埋咁多陰質野,大把人咒佢,一定有報應的。

      畀個新鮮滾熱辣的個案你睇,有關房署的大本型商場的:
      2015-02-16《明報》:房會大本型小商戶幾全遷走
      http://www.mpfinance.com/htm/finance/20150216/news/ec_gga1.htm
      文中小商戶的位置,現已被連鎖店759阿信屋佔據。

      仲有呀,O2冇你咁富貴,成日出街食好野,請問嗰間三河屋係70-80年代開始經營至今,還是「仿古」裝修呀?

      如果係仿古食肆的話,O2在舊文《誰會珍惜當你還擁有》曾分享過一些觀點
      http://o2and00823.blogspot.hk/2013/02/blog-post.html

      刪除
  4. 一個無惡不作既集團, 唔去改善自己, 當然都係舊point
    好似強姦犯咁, 強姦完人但不獲起訴, 受害人當然會不斷去強姦犯怒斥... 強姦犯都會話:「你有無新point架?」

    你要睇新嘢, 我俾你睇
    https://www.facebook.com/loveA1008/posts/10205491542584011?pnref=story

    呢條邨我細過住開既.... 呢類街市基本上無咩問題, 但領匯一意孤行又要搞翻新... 領匯有無諮詢民意先! 領匯管理層知唔知自己咁乞人憎, 只係掛住搵錢, 但將香港既特色拎走... 而家領匯搞到值得保留既事物一一移除, 換嚟既只係一式一樣既街市

    我望住呢個街市改頭換面, 真係想喊! 呢個街市魚蛋檔, 人地魚蛋賣$3 既時候, 佢賣$1 咋.... 人情味既嘢, 你識咩吖...!

    我幾個小學都唔認同領匯要翻新...


    仲有間三河屋, 開咗廿幾年啦... 唔係偽仿古... 你有無去過架
    華星冰室就真係為仿古... 我想講既係, 要給引人流, 唔一定要裝修先係好生意.... 80年代既舊裝修都可以給引好多客, 最緊要D 野貨真價實, 無須要逼舊舖裝修既

    回覆刪除
    回覆
    1. 謝謝你的留言!O2歡迎百花齊放,正評與負評一律歡迎!

      與你在此虛擬空間相交幾年(你第一次留言是2012-09-01),O2早已明瞭領匯點解咁乞你憎,亦回應了無數次,所以唔想無止境地寫完又寫,repeat又repeat啫。

      其實一早已預咗以「領匯」為重心來寫blog,必定會招風招雨。始終在實體世界裡,你這類人才是「大眾」,而O2就算加埋經常留言的幾位823戰友,亦只不過是「小眾」而已。

      O2寫blog求自娛,以及藉此記錄低周遭的變化,從來沒有「改變世界」的野心,亦冇打算要改變你對領匯的固有印象,時間是最好的證人,就留待歷史來作評價吧!

      2013-09-07曾記下了O2決定繼續經營此地盤的小小點滴,今天就重溫下...

      《因為領匯 所以繼續》
      http://o2and00823.blogspot.hk/2013/09/blog-post.html

      刪除
    2. O2幫手推...
      [ 領匯無恥 ] 蝴蝶商場28/2 就壽味
      http://forum7.hkgolden.com/view.aspx?type=CA&message=5694326

      刪除
    3. 多謝Chi Ho增加辯論氣氛及正反意見

      刪除
  5. 2015-07-17【on.cc東網專訊】經營Burger King的健味堡有限公司又被追租。領匯入稟高院,指它在2012年與健味堡簽訂3年租約,由2012年2月起將黃大仙中心兩個舖位租予對方,租金約10.7萬元,另冷氣及管理月費各9千多元,差餉則每月5千多元。

    不過,領匯指在今年初將新約交給健味堡後,對方一直沒有簽署回覆,而由去年10月起更欠交雜費,今年2月起亦欠租,欠款現已累積至136萬元,故入稟要求追款及收回舖位。

    回覆刪除
  6. 2015-12-31【壹週Plus】曾於今年7月入稟,向健味堡追租136萬的領展物業有限公司,入稟高等法院申請健味堡有限公司清盤,案件已排期明年3月2日聆訊。

    回覆刪除