柴灣「蜆壳大廈」升呢做酒店

(from Yahoo Blog)

2011年4月9日下午5:13｜公開｜累積瀏覽 106

 

今日睇到段新聞, 知道「蜆壳大廈」申請重建為酒店, 感覺有點興奮, 因為覺得柴灣「升呢」喇。呢座大廈已經有好多年歷史, 亦係多年前柴灣的地標, 如果以保育價值嚟計, 呢度比起隔籬的政府工廠大廈, 更有保育價值。不過呢度係私人物業, 我唔會好似有D人咁, 係唔係都嗌保育。社會不斷發展, 拆舊野係正常現象吖嘛, 冇理由阻住個地球轉。

講番呢座大廈, 佢真係見證住香港工業嘅興衰,「蜆壳」係做電風扇起家, 賣到全世界都出晒名, 以前入到呢間工廠做野, 都不知幾開心。

 

下面幅黑白相, 白色嗰座就係蜆壳大廈, 對出係8號車巴士總站。以前全柴灣都係得一條巴士線, 邊有依家咁方便, 乜車都有得搭呀~

 

 

幾十年前的柴灣

 

今日的柴灣蜆壳工業大廈