Grassroots O2: 月供寶盒

顯示具有 月供寶盒 標籤的文章。顯示所有文章

2022年12月28日星期三

財務自由實驗室 #9/10

呢個「月供寶盒」玩到第9年, 終於嚐到蝕入肉的滋味了, 嗚嗚~

2022年第97-108期

2021年12月27日星期一

財務自由實驗室 #8/10

病毒變種再變種, 新冠疫情已經持續咗兩年, 呢壇野都唔知要搞到何年何月, 市道唔好, 2021年的月供金額只維持在8千大元

2021年第85-96期

2020年12月29日星期二

財務自由實驗室 #7/10

2020, 不平凡的一年, 小病毒成功令全球攬炒, 世界一下子停頓了, 人類被迫減少活動, 搭少咗飛機, 減少碳排放, 地球得到片刻喘息的空間。

隨之而來是無薪假、裁員減薪、公司執笠之聲不絕, 此情此景勾起了O2的回憶, 猶記得當年亞洲金融風暴, 一段風腥血雨的日子, O2任職的公司經過一輪又一輪的「開源節流」, 捱極都未見曙光, 終於來個「精簡架構」的大裁員, 身邊的同事上午還好端端地工作, 突然一個一個接到HR的電話, 隨即便要執包袱, 黯然離開工作多年, 以為可以做到退休的公司, 整層寫字樓頓時變得鴉雀無聲, 氣氛極之沉重, 就算O2當時能夠幸存, 但感覺亦不好受。

今天, O2已離開職場多年, 裁員潮因一場疫症而重出江湖, 不過呢鋪已經唔直接關O2事矣, 尤幸今期領展的分派冇乜點少到，所以係名副其實的針唔拮到肉唔知痛。

過去的大半年, 因個人理由冇玩「巡視業務」, 不過O2的月供計劃卻從未停過...

仲差3年就完成

2020年第73-84期

2019年12月26日星期四

財務自由實驗室 #6/10

O2的「月供寶盒」已經完成咗60%, 今年月供$7.5K, 2020年將會加碼到$8K

今年的成績認真麻麻

2018年12月24日星期一

財務自由實驗室 #5/10

今年1月開始, O2的「月供寶盒」已改為月供7千大元

無獨有偶, 原來「存款保障委員會」調查顯示, 香港人平均每月儲蓄金額咁啱就係7千蚊喎

2018年第49-60期

想順便預告2019年起再加碼 (希望講咗出嚟, 有大家的監察, 冇咁易縮沙), 每個月儲多500蚊, 即係總共$7,500。

在此預祝自己5年後順利完成呢個「財自計劃」, 荷包脹卜卜。

Merry X'mas !!!

2017年12月18日星期一

財務自由實驗室 #4/10

聖誕臨近, 即是又一年了, 仲記得4年前發現中銀可以月供823時, O2二話不說, 第一時間捧場, 不經不覺, O2的「月供寶盒」已供到第48期, 係時候請「點倉派獎門人」出場了, Super!!

財自實驗只完成了40%, 仍在集氣中, 請多多支持!!

2017年第37-48期

2016年12月21日星期三

財務自由實驗室 #3/10

年尾流流, 有咩好做呢, 不如盤點結算啦, O2的月供寶盒已經供咗36期, 成績如下 :

財務自由實驗室 #3/10

2016年11月22日星期二

月供寶盒 @2016-11

除淨日收報$52.05, 就以這個收市價點算一下O2的月供寶盒…

寶盒內的寶物

單位總數量：4,807 units

2016年6月15日星期三

月供寶盒 @2016-06

好快, 好快, 好快又有息收喇。

剛剛供埋6月份嗰期, 可以埋單計數了。

月供寶盒內的珍藏

2015年12月25日星期五

財務自由實驗室 #2/10

趁住得閒, update一下「財務自由實驗室」盤數。

由於呢個係真實個案, 所以供款數目會隨著O2的心情和實際情況而忽上忽落, 比方說, 如果O2下期中咗6合彩頭獎的話, 或者會停供架。

今個月頭收到823的分派, 手頭鬆動, O2決定由下期起再供多5百蚊, 即月供$6,000。加碼的原因同上次一樣, 亦都係因為嗰條PV及FV的算式。