[聲明：本文並非股票推介] 利豐與先施

初次接觸敝blog的朋友不知就裡, 當睇到Grassroots O2有揸住823, 就不其然將O2界定為炒出炒入的股民。

 

事實上, O2甚少研究股票, 亦好耐冇做過主動買賣, 目前仍在運作中的, 就只有以機械式操作的月供股票計劃。

 

 

今日之所以發口痕講起利豐 (494), 皆因睇到《蘋果》這篇報導 (原文)

 

敝blog經常提及做生意要與時並進, 否則終歸會被fade out, 利豐可算是其中一個參考例子。

 

在出外旅遊已成為長假期指定動作的年代, 加上互聯網的出現, 以「中間人」過水濕腳模式搵食的利豐, 其存在價值已一日不如一日。

 

另一個比較貼身的個案, 就係先施 (244)。早兩年, 先施大鑼大鼓地在旺區連環開舖, 又話要將品牌年輕化, 老實講, 當時O2已經唔睇好, 反而覺得先施藉著那個老招牌, 吃吃老本, 在823場內搞下特賣場, 會更加化算。

 

剛於2015-05-29公佈最新一期業績, 先施全年度蝕去1.226億, 不派息。

 

個人覺得, 主事人只係繼承家族生意, O2實在看不到佢會有甚麼看家本領, 能將一壇垂垂老矣的生意得以妙手回春, 尤其是早前他那句「求港人俾機會」, 實在令O2非常之哽耳。

 

 

2014-02-21《壹週刊》: 先施破舊立新 求港人俾機會 (原文)

 

先施初頭都有花錢請個內地的大學生做代言人

 

近期已經改用一隻不收錢的馬騮

 

 

＊＊＊

 

 

2013-09-26《香港經濟日報 》: 先施百貨吸客擁兩張王牌，瘋狂大減價６０次特賣場