從一開始, O2已抱著遊戲人間的心態寫blog, 以文字記低生活事, 有時寫吓自己野, 有時copy吓報紙, 留番腦退化後慢慢翻閱, 後來才漸漸加一兩張照片襯托, 這對於電腦盲的O2已經是一個大躍進。
回顧過往經驗, 當O2出「非巡視業務」的博文時, 就好似在一個自閉空間裡自言自語, 冇人會睬我的, 但O2依然自得其樂 (作嘔D都要講：O2唔係職業blogger, 寫blog但求自己過癮, 並公諸同好, 絕非為名為利, 都不知幾高尚! 哈哈!!)。不過到記錄巡視活動時, 反應卻相對熱烈 (留意番, 只係相對咋), 就因為咁, 信奉「市場主義」的O2就逐漸將博文內容偏重了823的相關資訊。
資深blog友可能仲會記得, O2在Yahoo Blog時的heading係「變幻原是永恆」, 這正是O2當初寫blog的原意, 希望記錄低周遭的變化 (O2雖然學習新事物比年輕人慢幾拍, 但仍然認為新舊交替是理所當然的)。
到了blogspot後, 不避嫌地改成家陣的「Grassroots O2 - 與領匯同一陣線的草根」, 當時已預咗要與領匯共榮共辱, 紮好馬畀人插。
各位都知, O2最怕寫千字長文, 今日之所以破戒, 皆因早幾日瀏覽某交流網站時, 見到有人話自己：「果個領匯fans網誌先好笑，自稱草根，實質咪又係揸住股票既既得利益者」, O2有D嬲嬲地, 心諗：有乜咁好笑!?
當時有一道氣湧上心頭, 唔多舒服, 於是立刻登記做會員, 想邀請那位仁兄多點了解草根O2。
好可惜, 該網站非常嚴謹, O2的status成日都係「審批中」, 等咗咁多日, O2已經下咗道氣, 唔想再回應佢咯。
＊＊＊
2014-12-11 : 草根O2尋找身份認同
睇題目以為你病左，原來為草根２個字勞氣，其實邊個話草根唔可以揸領匯，今個星期一領匯入恆指開始，全港大部份供MPF嘅打工仔，好多都立即間接持有領匯(因很多被動基金都必須持有)，所以全世界個個都係既得利益者
回覆刪除「其實邊個話草根唔可以揸領匯」這就是問題所在，O2從來都唔覺得呢2個身份有抵觸囉！
刪除我都以為02兄病左，好在原来系有度氣chok住，小事啦。有啲人可能認草根系無錢買股票，就算買一股都吾得，02大方啲，吾好上心，留番精神做有益事好過啦！另一方面，823已经比较少左俾人鬧，公关有改進。
刪除鬧領匯唔緊要，預咗
刪除不過佢笑我個blog，O2唔開心，但係出完氣之後，已經放低咗了 :-)
感謝你的內心分享! 草根只係形容相對成個社會較少收入的一群, 草根們本絶對有自由通過自身的努力而往上走。
刪除親愛的O2兄, 請不要原諒取笑你付出努力的人, 應當同情和嘗試開導他們。無視他們改善不了任何東西, 但當你解釋你立場時, 你會是第一個聽到的, 你也會即時受惠。不竟你只可以為他人指出你認為正確的道路, 但你卻不能為他們而行。他們能否從了解你的立場而增長智慧, 就要看他們的造化了。和笑點高低一樣, 這都不是你能控制的。
多謝你的鼓勵，好有深度，O2睇完再睇，吸收裡面的精華。正如你所講，O2從不打算反駁那位仁兄，只係想邀請佢多點認識O2，可惜吖，該交流網站唔受我玩，事件只好告吹，就當我同佢無緣吧。
刪除（Henry哥，你那句＂親愛的O2兄＂的稱呼，令O2好冧呀！）
人地話現代英文唔用 Dear O2 ，話老土 out out 地，老土你都受牙
刪除「潮」呢家野, 已經離開O2好遠好遠, out out 地, 老老土土至襯我 =.="
刪除現代人在淘寶興講單字一個：親
刪除例如：親，有木有付款？
哦，O2要學下野了
刪除點解今日留言唔使入確認密碼咁方便，以前打英文字，睇到眼突，數字就好Ｄ
回覆刪除係咩？唔知呀，我冇改過setting喎
刪除試過打左一大堆野, 之後要入睇到眼突的英文字, 入完之後唔見晒我打堆野囉... 宜家好好多!
刪除咁你以後可以放心打一大堆野回應O2了 :D
刪除經一事長一智... 我以後按發佈之前都先ctrl + c 一下先, 咁消失左都可以即刻再PASTE過
刪除有時左度右度思前想後，跟住按制，然後消失的密室，真係想死，ctrl+c真係唔小得
刪除对呀，我亦有此發現！
回覆刪除把口生喺人地度都無法，但證明你個blog多人睇，相信大家睇到o2嘅努力，係真心想823好
回覆刪除多謝你留言鼓勵！！
刪除O2講咗出嚟，消消氣，依家條氣已經順番晒。正如你話齋，O2是真心認同領匯的理念，衷心想領匯好的。
或許有人會將O2定性為見錢開眼的股民，又或者係因823股價上升而受惠的既有利益者，更甚至乎係領匯打手，刻意唱好，唔緊要，清者自清。
容許O2再講多少少，領匯於2005年上市，幾年後O2才開始儲823。當日買823時，但求收息，而唔係一心想發達。收息股多的是，點解要揀823？理由好簡單，就係因為觀察到屋企附近幾個公屋商場有所改善，因此感覺到領匯走對了路。
領匯上市前，乜野衰野都冇做過，但已經揹住好多負評。到TCI成為單一大股東，因步伐太急進，而搞到領匯個名臭到冤。雖然TCI已引退多年，領匯的改革步伐已重投正軌，但好多人仍然一嚿雲，仲係戴緊舊嗰副有色眼鏡看領匯，尤其是嗰D少去屋邨商場的人，瞎子摸象，睇幾段媒體報導就以為得天下。民情如此，O2估計要再過一大段時間，佢地至會領會到領匯係好野囉。