只要沒有領展，便天下太平了

Help, O2搵唔到工聯會最新一期的「兩餸一湯指數」龍虎榜啊。

領展是政棍們爭取爆光的上佳材料, 沒有「領展」兩個字的題材, 唔夠吸睛, 受眾沒迴響。

那個打著為基層旗號的組織, 每季發放「兩餸一湯指數」, 找出全港最貴的街市來借題發揮, 只要領展街市上榜的話, 便開心死了。

若然領展街市未能名列前茅的話, 咁點算好呢, 得得得, 咁咪砌領展街市冇牛肉賣, 買唔齊餸囉。

很失禮, O2是「真．基層」, 豬肉每斤30幾蚊, 牛肉要成100蚊/斤, O2已經好多年冇喺屋企食菜心炒牛肉了, 頂多都係在茶記食沙爹牛麵 or 乾炒牛河, 又或者在茶樓食碟山竹牛肉球就算了。

 

2016-03-30｜東方｜買齊兩餸一湯　大埔墟街市最貴索價$120 (原文)

 

該組織剛發放了2016年第一季的「兩餸一湯指數」, 佢地話今期全港最貴係大埔墟街市喎, 之但係, 唔提下「領展」兩個字, 報紙的記者、編輯、讀者們冇興趣架。

都算佢地醒爬, 今次就話逸東街市在裝修期間, 臨時街市只得15檔, 太少了, 咁都畀佢地入到位, 掂啦!!

可惜吖, D料唔夠爆, 沒太多媒體報道。原來冇咗領展, 果然天下太平啊。

講番, 該組織一向都會attach個「兩餸一湯指數」龍虎榜在官網的, 點解今次搵唔到嘅, 有冇人可以幫O2搵下呢。

 

O2今期在該組織的網頁找不到「兩餸一湯指數」的attach file

 

追加 : 一張很有歷史價值的照片