黑心鬼O2

草根O2可能要改名做黑心鬼O2了。

 

不得不承認自己係黑心鬼, 資深Blog友可能仲記得O2係唔鍾意藍灣廣場的, 一見到佢有舖頭執笠就會好開心。(變態!!)

 

1. 林老闆繼小西灣街市分店之後, 剛於藍灣廣場又開多一間, O2當然要觀摩下 (買野就梗係會過返去小西灣廣場嗰邊啦, 仲使講咩)

 

2. 乜愈行愈熱嘅?! 撞鬼咯, D冷氣弱到呢

 

3. 同場另一間零食店

 

4. 中式涼果店

 

5. 30幾度, 又熱又焗, 靠部咁嘅機仔, 邊夠涼架?

 

6. 百佳呢度又係咁

 

7. 呢個場佔好大比例係補習社/美容屋

 

8. D舖頭turnover好快, 一雞死一雞鳴, 成日都有新面孔。呢間亦靜悄悄地由Eye Level Education Centre變成Enlightenment Education Centre

 

9. 「一品燒鵝火鍋酒家」已經轉手兩個幾月, 依家叫「一品軒海鮮酒家」, 不過新經營者連招牌都唔換, 求其用塊紅紙遮住就算

 

10. 富臨外的麵包部。呢個場好盞鬼, 自從間獨市麵包店執笠後, 個場突然間有齊美心餅店、東海堂、富臨的Sunny (OK便利店 & 百佳有兼售麵包)

 

11. 當百份百餐廳未成名時, 該集團曾經以「拾柒號冰室」品牌租用17號舖 (即現時元氣位置)。又因為名氣弱而未能續租, 今次以「百份百餐廳」之名重生, 大有強勢回歸之象徵意義

 

12. O2以「瞬間轉移」大法去到樂軒臺樓下。舖頭執笠度度都有, 不是領匯場的專利。新來記 (樂軒臺地下409號舖) 執笠了, 門前貼有「實際管有或居住者通知書」, 最尾一行的簽名及地址應該就是業主吧, 業主的地址係將軍澳寶林邨喎, 嗱嗱嗱, 我都話公屋人禾稈冚珍珠架啦, 呢個舖閒閒地值幾百萬架

 

13. 去到金源樓。貢茶執咗都好耐了, 丟空咗幾年, 呢個舖位終於都租得出咯。

 

 

＊＊＊

 

 

2014-06-16跟進：話口未完, 藍灣廣場的一品軒酒家又玩完了

 

2014-06-25跟進：紮根多年的柴灣天藝毛冷 (UG52B) 宣佈租約期滿