總瀏覽量

2012年6月26日 星期二

思歪的一句話

(from Yahoo Blog)
 
2012年6月26日下午4:37|公開|累積瀏覽 179
 
最近「回購領匯」這個議題又吹得甚囂塵上, 全因思歪於2012-06-09出席小西灣培僑小學一個論壇時的一句話。

「訴苦」係人之常情,「咋型」乃天經地義, 難得有大人物落區視察民情, 唔通會有人同佢講:「我情願自食其力, 自求多福, 我乜都唔想要, 你走把喇」咩!? 一輪訴苦show之後, 大有為的思歪拋出一句:「 考慮是一定可以」。
 
俾著係我, 我都會大嗌物價貴, 租金貴, 樓價貴, 交通費貴, 吧啦吧啦!我一定扮死架!
唔通D居民會喺思歪面前讚領匯:「嗱!你睇吓領匯搞得個商場幾企理, 地方又乾淨咗, 冇以前咁多吉舖, 買野選擇多咗幾多呀!」
 
唔通D商戶會同思歪講:「領匯好識吸引人流架!你睇吓, 個商場旺過以前幾多, 我生意都好咗呀!好彩領匯加我兩成租咋!你知啦!依家出面D舖租貴到離晒譜呀!」
 
中國人有句護身錦囊叫「悶聲發大財」, 生意多咗都唔可以講出聲, 無謂招人妒忌吖嘛, 而且「晒命」係要付出代價架。收錢最好收現金, 賺幾多冇人知, 乜都冇得check, 咪唔使收綠色炸彈囉。
 
若果有人天真地以為政府補貼D商戶, 收平D租之後, 買餸會平D的話, 咁我只可以回應一句:Too simple, Sometimes naive 囉!
 
 
終日要求乜乜, 要求物物的區議員橫額。以我一介草民, 我真係諗唔到「回購領匯」對居民有乜野好處........ 所以, 呢兩位懵炳不代表我!!
 

沒有留言:

張貼留言